2010-07-06 09:35

Цэнтар імя прафэсара Браніслава Герэмека і Асамблея НДА запрашаюць да ўдзелу ў канфэрэнцыі «Эўропа й Злучаныя Штаты ў зьменьлівым сьвеце», якая адбудзецца ў Варшаве 16-17 верасьня 2010 году. Канфэрэнцыя зьбярэ выбітных адмыслоўцаў па міжнародных стасунках, экспэртаў і палітыкаў з краінаў Эўропы і ЗША для абмеркаваньня эўрапейска-амэрыканскіх стасункаў. Канфэрэнцыя арганізуецца супольна зь Міністэрствам замежных справаў Польшчы.

Апошні тэрмін падачы заявак: 14 ліпеня 2010 году.

Беларускай дэлегацыі будзе кампэнсаваны праезд, пражываньне, а таксама будуць арганізаваныя сустрэчы ў польскіх няўрадавых арганізацыях, органах самакіраваньня й сродках масавай інфармацыі.

Пэрыяд азнаямляльнага візыту адбудзецца з 12 па 18 верасьня. Месца візыту: Варшава й яе навакольле.

Да ўдзелу ў праграме запрашаюцца жыхары Беларусі ва ўзросьце да 35 год – маладыя прафэсіяналы, грамадзка-актыўныя людзі, якія цікавяцца праблематыкай міжнародных стасункаў.

Каб падаць заяўку, неабходна запоўніць анкету й даслаць яе на два адрасы: marcin.starzewski@gmail.com  і ngo@belngo.info, у тэме ліста пазначце "12.09-18.09".

Сумоўе з патэнцыйнымі ўдзельнікамі адбудзецца 20 ліпеня ў Менску.

Інфармацыя пра візыт і аплікацыйныя формы па расейску й беларуску - у далучаных файлах.

Паводле рассылкі belngo.info